Урад прыняў змяненне што да пенсійных полісаў па формуле «3+3». Чыноўнікі знізілі максімальны памер камісіі страхавых кампаній па такіх паслугах.
Саўмін знізіў на 2026 год максімальны памер расходаў на вядзенне справы па добраахвотным страхаванні дадатковай назапашвальнай пенсіі да 5,7% ад сумы ўнёскаў па такіх полісах. Цяпер гэты паказчык складае 6%. Для людзей гэта азначае, што страхавыя кампаніі будуць менш грошай пакідаць сабе ад такіх унёскаў.
Нагадаем, пенсійныя страхавыя полісы па формуле «3+3» працуюць з кастрычніка 2022 года. Па гэтай формуле работнікі могуць добраахвотна адлічваць да 10% заробку на дадатковую пенсію, а наймальнік абавязаны дадаць столькі ж, але не больш за 3%. Напрыклад, пры ўнёску супрацоўніка ў 2% працадаўца пералічыць таксама 2%, а пры 5% — ужо толькі 3%.
Аднак у цэлым яна карыстаецца адносна нізкай папулярнасцю, асабліва сярод мужчын. Шмат у чым гэта звязана з эканамічнай палітыкай, слабым даверам да дзяржаўных інстытутаў і адносна нізкай працягласцю жыцця мужчын, а таксама з інфляцыйнымі рызыкамі, адзначаў раней эканаміст Уладзімір Кавалкін.
Чытайце таксама
